आरे निनियाँ , अलिया-मलिया,अमरनाथ मिश्र' भटसिमरि

आरे निनियाँ ,  अलिया-मलिया,अमरनाथ मिश्र' भटसिमरि

आरे निनियाँ

आरे निनियाँ आरे आ

बउवा लै निन नेने आ

सुतु-सुतु बउवा कुकुर भुकैयै

माय एसगरुवा भानस करैयै

बाप कमउवा नोकरी करैयै

बहीन इसकुलिया स्कूल करैयै

भैया कालेजिया काँलेज करैयै

बाबा दलान पर दलान ओगरैयै

दादी आहाँलै निनियाँ बजबैयै

सुतु-सुतु बउवा कुकुर भुकैयै

चुपरे कुकुरवा आब बउवा सुतैयै ॥

संकलन

अमरनाथ मिश्र' भटसिमरि

अलिया-मलिया

अलिया गे मलिया गे

गोला बरद खेत खाइ छउ गे

कत गे, डिह पर गे-2

डिहक रखबार के छउ गे

बाबा गे,   

बाबा त् गेलउ , पुरनियाँ गे -2

लाल लाल बिझिया अनतइ गे

कथी पर झमकेतै गे 

तरवे पर झमकेतै गे -2

की सब खाइ लै अनतौ गे -2

सनेस खाइ लै अनतौ गे

सब गोटे बाँइट चुटि खैहे गे -2

गे बढ़िया मौगी, बरतन सम्हारि क् रखिहैं

हमर बौआ अबै सभटा फोरैय लै ॥

संकलन

अमरनाथ मिश्र' भटसिमरि