खिचरी खायते- खायते समय गमेलो
नही भेटल शिक्षा के अधिकार ,
बौवा नेना कही घर से प्यार भेटल
नहीं भेटल आँगन बारि के केंद अधिकार ,,
आब कहू यो एस डी ओ साहिब
कि हमहूँ रहबै बेरोजगार ?
डिग्री लेने गाम सहर सं
भैया हमरो सब कतेक हजार ,
शिक्षक पद के आश में सदिखन
घुमैत फिरैत छैथ हाट बाजार ,,
आब कहू यो नितीश सरकार
कि हमहूँ रहबै बेरोजगार ?
दौरते - दौरते राईत दिन हम
दरभंगा , मधुबनी लोकसभा के दुवार ,
हारल थाकल घर आबि हम बैसलों
नै मिलल पंचसमिति के अधिकार ,,
आब कहू यो नेता - मुखिया
की हमहूँ रहबै बेरोजगार ?
दिल्ली में किछ इज्जत अछि बाचल
माहाराष्ट्र सरकार केलक बहार ,
देश दुनिया के खोज खबरी सुनी
मन कहैत अछि, नै छोरू घर- दुवार ,,
आब कहू यो बिहार सरकार
कि हमहूँ रहबै बेरोजगार ?
ठाकुर
मदन कुमार
ग्राम/पोस्ट- कोठिया पट्टीटोल
ब्लाक - झंझारपुर
जिला - मधुबनी ,
बिहार ( 847404)
E-mail -madanjagdamba@yahoo.com
कोई टिप्पणी नहीं:
एक टिप्पणी भेजें