हमहूँ मिथिला के बेटी छीक ?

हमहूँ मिथिला के बेटी छीक ?

भोरे सूती उठी देखलो

आँखी सं अपन नोर पोछैत ,

माए पुछलक कियाक कनैत छीक ?

की देखलो स्वप्न में कुनू दोस ?

बेटी आँखिक नोर पोछैत --की माए

हमहूँ मिथिला के बेटी छीक ?

जतय सीता जन्मली मैट सं

ओहो एकटा नारी भेली ,

जिनका रचायल वियाह स्वम्बर

हमहूँ ओहिना एगो नारी छीक

बेटी आँखिक नोर पोछैत --की माए

हमहूँ मिथिला के बेटी छीक ?

आय देखैत छीक घर - घर में

दहेजक कारन कतेक घरसे बहार ,

उमर वियाहक बितैत अछि हमरो --

की करू हमहूँ अपन उपचार ?

बेटी आँखिक नोर पोछैत --की माए

हमहूँ मिथिला के बेटी छीक ?

धिया - पुत्ता में कनियाँ - पुतरा संग

अपन जिनगी के केलो बेकार ,

बाबु - काका लगनक आश में

सालक - साल लागोलैन जोगार ,

बेटी आँखिक नोर पोछैत --की माए

हमहूँ मिथिला के बेटी छीक ?

वियाह देखलो संगी - सहेली क

नयन जुरयल मन में आस भेटल ,

बट सावित्री आ मधुश्रवणी पूजितो

सेहो आई सपनोहूँ से छुटल

बेटी आँखिक नोर पोछैत --की माए

हमहूँ मिथिला के बेटी छीक ?

(समाप्त )

लेखिका ---सोनी कुमारी ( नॉएडा )

पट्टीटोल , भैरव स्थान ,

झंझारपुर , मधुबनी , बिहार